Беларуская партыя "Зялёныя", Партыя БНФ і рух "За Свабоду" пачалі кампанію "Народны кантроль - за сумленныя выбары!". Пра гэта было заяўлена 20 лютага на прэс-канферэнцыі ў Мінску.

Асноўная ідэя кампаніі - прыцягненне як мага шырэйшага круга беларускіх грамадзян да назірання і кантролю за выбарчай кампаніяй у Палату прадстаўнікоў. У сувязі з гэтым аб'яўляецца набор валанцёраў, якія гатовыя працаваць у выбарчых камісіях і назіральнікамі.

Па словах сябра Цэнтральнага Савету БПЗ Аляксандра Лагуцёнка, які прадстаўляў партыю на прэс-канферэнцыі, арганізацыя пакуль не вызначылася, будзе ўдзельнічаць у выбарах ці байкатаваць іх.

"Незалежна ад канчатковага рашэння па гэтым пытанні, "Зялёныя" будуць актыўна ўдзельнічаць у назіранні і кантролі за выбарамі. Мы плануем рабіць усё магчымае, каб фальсіфікацый на выбарах не было, а калі яны будуць - прыцягваць парушальнікаў да адказнасці", - сказаў ён.

Фрагменты выступу Аляксандра Лагуцёнка можна паглядзець тут.

Прэс – служба Беларускай Партыі “Зялёныя”