Зялёныя і пісьменнікі працягнуць барацьбу за сталічную краму “Рыбу” – культавае месца моладзі і багемы.

Не так даўно на месцы былой крама “Рыба (вул. Карла Маркса 26) адчыніўся рэстаран сеткі “Пицца – темпо”.

“Рыба” - культавае месца беларускай культурнай тусоўкi, мінскi Сайгон.

На рубежы стагоддзяў тут сустракаліся студэнты, прадстаўнiкi андэграўнду, тэатралы, працоўныя. Дзякуючы танным коштам i добрай працы супрацоўнiкаў крамы была створана дзiўная атмасфера камунiкацыi. Акрамя ўсяго іншага Рыбы” сапраўдны помнік дызайну 50-ых гадоў. Сцены Крамы прыкрашалі падобныя на фрескі выявы насельнікаў марскіх вод. .

У 2008-ым годзе быў агучаны план ператварэння цэнтру беларускай сталiцы ў камерцыйную турыстычную зону. Яго рэалiзацыя значыла знiшчэнне старой iнфраструктуры i перамены ў стылi жыцця гараджан. Авярай урбаністычнай рэформы стала і “Рыба”, якая была зачыненая на рэмонт з яўным намерам яе трансфармацыі ў нешта маладаступнае для былых кліентаў.

Супраць такой перспектывы паўстала грамадзянская ініцыятыва сталічных літаратараў, музыкаў і эколагаў. У сакавіку 2009-га  ў Палацы мастацтваў беларускія пісьменнікі правялі акцыю “Рыбны дзень”. У тым жа годзе пабачыў свет зборнік “Тэксты”, прысвечаны марской тэматыцы і краме “Рыба”. Больш за 30 аўтараў бралі ўдзел у гэтым праекце. Пачаў дзейнічаць сайт кампаніі.

Не гледзячы на пратэсты грамадзян рэканструкцыя “Рыбы” працягнулася і сёння можна пабачыць яе вынікі. “Пицца – темпо” на Маркса гэта тыповы фаст-фуд з адпаведнымі коштамі, якія як сведчыць выпадак у іншай секцыі гэтай франчызы яшчэ не сведчаць пра добрую якасць. Адзіным пазітывам можна ліччыць тое, што рэканструктары не знішчылі унікальныя панно на сценах установы. Гэта дае шанс калісьці павярнуць Рыбе арыгінальны стан і зноў зрабіць яе лабараторыяй культуры.

З улікам гэтага прадстаўнікі Зялёных і літаратурнай суполкі “Вобла” вырашылі працягваць “рыбную” кампанію. Бліжэйшым часам будзе арганізавана новая культурніцкая акцыя ў абарону нашай культурнай спадчыны.

Прэс-служба Беларускай Партыі “Зялёныя”