10-га снежня група сяброў БПЗ прыняла ў Маскве ўдзел у мітынгу супраць фальсіфікацый на выбарах у расейскі парламент.

Мітынг сабраў некалькі дзесяткаў тысяч чалавек. Яго удзельнікі патрабавалі адстаўкі кіраўніка ЦВК Уладзіміра Чурова і расследаванне яго дзейнасці, адмены вынікаў мінулых парламенцкіх выбараў, прызначэнне новых сумленных выбараў, расследаванне ўсіх фактаў фальсіфікацыі вынікаў выбараў на кожным асобным участку і змяненне закона аб рэгістрацыі палітычных партый, якія дазволяць зарэгістраваць усе апазіцыйныя партыі. Таксама яны запатрабалі вызвалення палітвязняў.

Сярод выступоўцаў была вядомы актывіст экалагічнага руху, абаронца хімкінскага лесу  Яўгенія Чырыкава. Запіс з яе выступам можна паглядзець тут.

Каментарый Юрыя Глушакова, намесніка старшыні БПЗ наконт цяперашняй сітуацыі ў Расеі.

Юрый Глушакоў: “Фенаменальна правальныя дла партыі ўлады рэзультаты выбараў на самой справе заканамерныя. На працягу апошніх год назіраўся відавочны крызіс існуючага ў Расеі алігархічна – бюракратычнага рэжыму і мадэлі ліберальнай эканомікі. Праявы сусветнага крызісу капіталістычнага тыпу развіцця ў РФ пагаршаліся таксама карупцыяй і парушэннем прав наёмных працоўных. Таму ўсё, што абылося на выбарах у Думу, а менавіта рост падтрымкі левых партый, ёсць лагічны адказ расейскага народу на такога кшталту з’явы. Зараз вельмі важна, каб пратэсты не скаціліся да банальнай падтрымкі ліберальнай апазіцыі. Важна, каб левыя з усімі іх праблемамі пераадолелі недахопы мінулых часоў і сапраўды сталі ва главе народнага руху пратэсту. Інтарэсам простых працоўных абсалютна не адпавядае сцэнар аранжавых рэвалюцый і ліберальных рэформ ў эферы гаспадаркі. Барацьба за дэмакратызацыю ў Расеі можа адбывацца выключна ў фармаце барацьбы за сацыяльныя прагрэсіўныя рэформы”.

Крыніца: Прэс – служба Беларускай Партый Зёлёных